Семей қаласы әкімінің жақсы жолдар туралы жазбасы қалалықтардың наразылығын тудырды
Семей қаласының әкімі Нұрымбет Сақтағановтың қала жолдарының жағдайы туралы жариялауы әлеуметтік желілерде қызу пікірталас тудырды
«Жалпы алғанда, бүгінде қала жолдарының 78 пайызы жарамды деп саналады», – деп жазды әкім.
Бұл көрсеткіш қала тұрғындарын қатты таңдандырып, көпшіліктің наразылығын тудырды. Инстаграмда әкімнің жазбасы астындағы пікірлер саны артып келеді. Семейліктер орталық көшелер жөндеуді қажет етсе де, жолдардың 78 пайызы қайда орналасқанына қызығушылық танытады.
